الجماعه المحظروة ........... الجزء الأول
ليه ديماً في الجرائد المسماه بالقوميه أو اللي أغلب الكائنات الحيه في العالم أو التي تسكن معنا هذا الفضاء الشاسع يرونها جرائد قزميه عقيمه لا تأتي بأي شيئ نافع فهذه الجرائد تهتم بأربعه أشياء لا غير :-
1- التمجيد والتهليل والإنحناءه اليابانيه أمام السلطان - قدس الله سره - كما يقول الإخوان الشيعه و الإشاده بجهود وعطف وحنان.... سيده القصر,,,,,, وولي عهد القصر
2- أخبار طلاق نبيله وإنتحار سعاد وقتل فلان لعلان وتحطم طائره في العراق أو إنفجار مفخخه في طورا بورا وتسمم تلاميذ مدرسه السحليه الإعداديه
3- جهود الحكومه النظيفه في تنظيف جيوب المواطن محدود الدخل مظلوم الغلبان وتكريس كل جهودها بمنتهي التطور والشفافيه في التفنن في أخذ حسنه المنحه المعطاه للموطفين أو فرض الإتاوات علي سكان مصر في صورة خدمات
4- السب والقذف والهجوم وتنبيه الناس من مخاطر جماعه الإخوان المسلمين (الجماعه المحظورة ) كما يراها النظام العجوز وكما يراها المنافقون والمهللون والمتسلقون
واللي يهمني النهارده في البوست ده........ النقطه الرابعه وهي الجماعه المحظورة
رغم أني لست من الجماعه المحظورة ولا أنتمي لها ولا أنوي أن أنضم لها في يوم من الأيام
طبعاً ليس بسبب خوفي من القبض عليا من قبل هذا النظام أو أن يجري أطفال الشوارع و المتشردين و يلقونني بالحجاره ويهتفون بصوت عال ٍ"::::::::::::::::
اللي من الجماعه المحظورة أهه"
ولكن السبب هقوله في أخر البوست بعد شرح وجهه النظر
بدايه معرفتي بجماعه الإخوان المسلمين كانت في الصغر حينما كنت في المرحله الإعداديه من عمري فتلك المرحله كانت مرحله فارقه في حياتي ,,,, لأني كنت تعرفت علي علي صديق طيب القلب هادئ ونفس تفكري وكان هذا الصديق متفوق جداً كان مثلي يهوي قرأه الكتب وقصص رجل المستحيل وملف المستقبل ,وكتب الألغاز ولعب الشطرنج
فكنا لا نحمل هماً ولا نعرف شيئا ولكن ذات مره وأنا ذاهب إليه حتي نلعب الشطرنج أو نتبادل الكتب والقصص ,,,,
وذهب إليه وندهت : يا أسامه يا أسامه ,,,,,,,لكني جدت رجلاً كبير طاعناً في السن يرد عليا ويقول: إنت عاوز مين يابني ؟
قلت له (وأنا أبلع ريقي) : أنا عاوز أسامه يا حج هو موجود؟
فقال لي : إتفضل إقعد علي ما ندهولك من فوق .
ولما أتي صديقي أسامه قلت له من هذا يا أسامه قال لي: إنه جدي !
قلت له أنا أعلم أنه ليس لك جِد ,, هل كان مسافر ؟؟
كان سؤالي ينم عن بلاهه شديده ولكني كنت محق في ذلك فأنا لم أراه من قبل
ولكن صديقي أسامه قال لي : لا إنه كان معتقلاً !!!
كنت أول مره في حياتي أسمع كلمه معتقل دي في هذا السن الصغير
فقلت له: يا عني محبوس ؟؟؟
فقال لي: لأ معتقل ,
الإعتقال أعلي درجات الحبس هكذا قال لي والدي لما عدت إلي البيت وسألت:ه ياعني إيه إعتقال دي؟؟؟؟؟؟؟؟
والجميل إنّي في اليوم التالي قلت لصديقي أسامه
هو ليه يا أسامه جدك كان معتقل ؟؟ هو قتل حد ؟
قال لأ
قلت له هل كان يتاجر في المخدرات ؟؟
قال لأ
قلت له هل سرق أحد ؟؟
قال لأ
قلت له: طب هما هيعتقلوه ليه وهو ماعملش حاجه
قال لي : لأنه عضو قيادي في جماعه الإخوان المسلمين
وطبعاً قلتله ببلاهه ثانيه طب وإيه المشكله ؟؟
أنا أول مره أشوف حد بيتحبس علشان إنه تبع جماعه ؟؟؟
قالي : يابني طول عمر الجماعه دي بيتعمل فيها كده من أيام جمال عبد الناصر حتي الأن
ولكني لم أقتنع بذلك
وسألت والدي :
لماذا جد أسامه محبوس يابابا ؟؟
وإشمعنا لأنه من جماعه الإخوان المسلمين يتحبس ؟؟؟
فقال أبي :لأن الدوله تري أن هذه الجماعه خطر علي أمنها وتنظر للسلطه وكرسي الحكم
ولكن هذا الكلام لم يقنعني بشئ ,,,,,,,,,كلام ساذج
ولكني قررت أن أجلس مع جد أسامه ,وأتحدث معه لأعرف لماذا إعتقلوه؟
ففي اليوم التالي:
ذهبت وأنا مشتقاق للقاء هذا الرجل العجوز المنحني الظهر , أشيب الشعر , يرتدي نظاره كبيره الحجم تغطي نصف وجهه وكانت علي وجهه إبتسامه غريبه أزال أفتكرها حتي الأن ,,,,,,,,
وفعلاً وجدته يجلس أمام البيت علي كرسيه وفي يده كتاب وهو يقرأ فيه بتمعن ولم يشعر بوجودي
فقطعت عليه خلوته وقلت له: السلام عليكم ورحمه الله ياجدي
فرد السلام عليا وهو مازال ينظر في الكتاب
فإعتقدت أنه ظن بأني أحد الماره ألقي عليه السلام ولكني بالغته بسؤالي الصااااروخي
لو سمحت ياجدي أسامه موجود؟
فقال : هو فوق ممكن تطلعله يابني؟
ولكني قولت له ببرأه الأطفال ليه ياجدي كنت مسجون وياعني إيه سجن دي ؟
فضحك جد أسامه وقال لي: من قال لك ذلك يا أحمد ؟
فإحمر وجههي من الخجل وقلت له أسامه؟
فضحك ثانياً وقال أيوة أنا كنت معتقل !!
فقلت له: ياجدي علشان برده إنك عضو قيادي في جماعه الإخوان المسلمين ؟؟
قال لي : دا أحد الأسباب والسبب الأهم لاننا نرغب في الصلاح للأمه وهدايه الناس وتطبيق شريعه الإسلام في الأرض
شعرت من كلام جد أسامه أنه إنفعل رغم أن وجهه كان يكسوه إبسامه رقيقه وجميله
فقلت له: إيه ياجدي إنت زعلان مني لأني سألتك السؤال ده؟
قال: لأ يابني دا أنا مبسوط من أسألتك دي
فقلتله: بس شكلك متغيير هو حضرتك تعبان؟
قال لي: أيوة أصلهم عزبوني في السجن وشفت اللي محدش شافه ربنا ما يورك وحش يابني !!!!!!
فقشعر جسدي من هذه الدعوه وقلت له: وإنت تعبان ياجدي؟؟؟
فقال لي: يإبني أنا مش حاسس بتعب لأني لدي شلل في قدمي ولا أشعر بجسدي وأفقد الذاكره من وقت لأخر
فقلت له ياجدي إنت مسجون من قد إيه بالظبط؟
فقال لي : أنا عمري الأن 76عاماً وكنت فقد
تجوزت وأنا عندي 24وهو نفس السن اللي إعتقلت أول مره في حياتي فهم إعتقلوني في عهد عبد الناصر ولم أخر من السجن إلي ووجدت أن عمري أصبح 39 سنه ثم سجنت في عهد السادات مده 7 سنوات وسجنت في عهد مبارك 18 سنه ولسه طالع من شهر بالظبط !!!!!
فقلت له :ياعني ياجدي إنت عشت في المعتقل أكتر من ما عشت في البيت؟
قال ( وهو يضحك ) :نعم يا بني!!!
هذا ما قله لي جد أسامه صديقي قبل أن أعلم بأن تم إعتقاله لأخر مره قبل أن أغير منطقه سكني وأنه تم إعتقاله الفجر تحت حراسه عربات الأمن المركزي وفرض كردون كامل حول المنطقه ممنوع الدخول أو الخروج من المنطقه
وعلمت من أسامه أن الظابط اللي ألقي القبض علي جد أسامه كان يبكي ويتوسل جده أسامه (أطال الله عمرها) بألا تدعي عليه ,,, فهو مأمور من أمن الدوله ولا يستطيع أن يخالف الأوامر الفرامانيه ,,
ولكن جده أسامه كانت سيده عجوزه طيبه القلب تحب الناس ورحيمه القلب فسامحت الظابط فهي تعلم أنه عبد المأمور
وبعد فتره من سنه بالظبط ,,,,,,,,,,,,, رن تليفون البيت وقال لنا أحد جيرانا السابقون
بأن الحاج محمود (جد أسامه) رجع من المعتقل من يومين ولكن ربنا كرمه ومات
!!!!!!!!!!!!!
رجع جد أسامه أخر مره جسد لا ينطق ولا يتكلم ولا يشعر ولا يستطيع الحركه
فرحمك الله يا جد أسامه وكل موتي المسلمين وأرحمنا نعهم
وللعلم جد أسامه كان الحارس الشخصي لحسن البنا - رحمه الله-
الباقي ......في الأجزاء القادمه ....تابعوناااااااااا
هناك ٣ تعليقات:
عارف انا زعلت على جد اسامة لما مات مع انى لا اعرف اسامة ولاجده بس بجد الواحد فعلا بزعل قوى لما يسمع عن الناس اللى قضيت عمرها كله فى المعتقل فراق عن الاهل وتعذيب فى المعتقل وايام سوده كلها شبه بعضها من غير لاليل ولا نهار قد ايه الناس دول اتبهدلوا بجد بس الجميل انهم فعلا صامدين جدا مع كل اللى بحصلهم بيعجبنى جدا فيهم اصرراهم واقتناعهم باهدافهم واكيد ده السبب فى قوتهم واستمرارهم كل السنين دى رغم كل الضغوط
احمد
تعرف ايه اللى بيحصل لاغلب الناس لما يقرو او يسمعو عن اى حد مش الاخوان بس بيصمم ويعافر عشان يوصل لهدف معين ويدوس عليه بلدوزر ولا يتزحزحشى بنحس بالخجل .. ايوه وانا بقرا اللى كتبته عن جدنا او على التحديد جد اسامه حسيت بالخجل .. مع كل مرة عنيا تقرا عن التعذيب واللى بيحصل فى سجونك يا بلد بحس بالخجل مش الخوف ولما ابتديت اكتب قصايد تهجو النظام الديكتاتورى اللى محاوطنا اخويا فزع منى وطالبنى انى ابطل او حتى احاول ما انشرشى وقاللى كلمه واحده ( عشان خاطر مين تدخلى سجن او يحصللك اى حاجة .. ما فيش حد يستاهل ) الجمله وجعتنى اوى .. عشان خاطر مين .. طب وكل اللى بيدخلو السجن دول بيعملو كده عشان خاطر مين ؟ وكل اللى بيتعذبو فى المعتقل بيتحملو ليه وعشان مين ؟ واى صاحب رأى مؤمن بيه ليه يتحمل لو ليه مخرج تانى زى مبدأ عيش وسيب غيرك يعيش او ناقص يقول طنش وسيب غيرك بارك على انفاس الخلق
اللى انت كتبته مش مجرد حكاية عن واحد اخوانجى .. ده جواك زى اى انسان حر بيصرخ
كل ما عينه او ودنه تلمس اللى بيحصل
مستنيين باقى الاجزاء
ربنا يوفقك
هدى ..
سارة طوبار:
منورة المدونه ,,,
فعلاً زي ما قولتي إن ده سبب في قوتهم وإنتشارهم حتي الأن ربنا معاهم
أ/هدي عبد القادر
هو فعلاً وضع مخجل إنها تحصل في بلاد مسلمه وبأيدي ناس المفروض مسلمين
بس للأسف يا هدي مهما كتبنا وإتكلمنا أكننا بنكلم أموات والأموات مبيسمعوش ودا حالنا للأسف
وإن شاء الله أضيف الباقي للموضوع
إرسال تعليق