قابلت بالصدفه البحته صديقي الغالي "محمد"
كان راجع من مشوار بعد رحله العذاب اليومية بالمدرسه
وسألته سؤالي الروتيني
أنا: إيه الأخبار ؟
محمد : زفت واللهي؟
أنا: ليه ياعم محمد
قالي : أصل المدير شطب عليا إمبارح الصبح
رغم إنه عارف إن عندي تدريب ف الإداره.
أنا :عادي يا عم الحج هي دي مصر مافيهاش نظام في أي حاجه
حتي داخل المؤسسه الواحده!
محمد: بس محنا عارفين ده ماجبتش جديد
أنا بتطيب خاطر: الجديد يا محمد إنه إتشطب عليك وجت فيك!
محمد: أصل المدير ده غاوي عكننه علي الناس ودماغه ماشيه عكس الكون
أنا: عادي جداً الرجل المناسب في المكان المناسب
محمد: بس أنا النهارده روحت متأخر ساعه علشان يبقي يشطب عليا تاني
أنا: وليه ياعم وجع الدماغ
بدام مخه "جزمه" خده علي قد عقله وتعلاله بدري!!!
محمد: ياعم من نفسي بأه مره
أنا: مش عارف ليه بعد الجمله دي
قعدت أضحك قرابه النصف ساعه بالظبط واللهي ما ببالغ
ومش قادر أمسك نفسي وقعد يبصلي بإستغراب
وأنا ميت من الضحك
يمكن أول مره أضحك من مده بالصورة دي
لدرجة كنا بنركب الميكروباص الظريف
سألت السواق رايح الجامعه
وأنا لسه بضحك برده
فالتباع رد عليا وقال :لأ يا باشا أصلنا مروحين!!
الكلام ده كان حوالي 10 مساءاً
فقلت له :خلاص خدنا معاك ,محنا مروحين برده!!
محمد قالي: دا إنتا رخم
وأنا ميت من الضحك برده!!
والسواق والتباع إنشكحوا أوي من تعليقي ده
محمد أخر ما غلب
قالي: ياعم إيه اللي بيضحكك الوقتي ؟؟؟
قلت له: بجد مش عارف بس عجبتني كلمه "ياعم من نفسي بأه "
وروحت البيت وأنا بفكر ليه بضحك وموصلتش لإجابه
بس فهمت محمد إنه مايزعلش مني أصل الكلمه جات ف الصميم
ولما روحت مسكت كتاب جميل أوي بيتكلم علي أشخاص بدأوا حياتهم من الصفر
أصلي عقبال عندكم
عاوز أتحول من الفكر الإشتراكي إلي الفكر الرأسمالي
وبقالي مده كبيره بحاول أكون شخصية برجوازيه
تملك زمام وسائل الإنتاج علشان أُبيد الطبقه العامله
وأنفض للقراءه والماجستير والتعليم والتربية ومشاكل المجتمع وكتابه القصص
وأكون إقطاعي رأسمالي برجوازي
بلا وجع قلب .....وقلبه دماغ ( علي رأي "سيف" )
بدل الملطشه وأخد ملاليم يبقي معايا ملايين ياعني هي جت عليا ووقفت!!
المهم ,,,
وصلت لقصه حياه "شابل شابلن" الممثل الأمريكي المشهور
- ممثل الأفلام الكوميدية الصامته-
قريت حاجه علي لسانه
وعرفت ليه أنا ضحكت علي كلام "محمد"
وإيه العلاقه بين الكلام والضحك في الموقف ده
وبهديها لأصدقائي الأعزاء وبالأخص واحده معينه ( هي عارفه نفسها)
"الإنسان يحاول أن يسعد نفسه فلا يحظي إلا بالتعاسه ولكن من هذه التعاسه يتولد الضحك!
ربما بسبب فظاعه المأساه , ربما بسبب تصارع الأضداد , ربما بسبب تجاوز التعاسه لحد الحزن
حيث يصبح الضحك هو البديل المنطقي!!!!!!!!!"
*******************************
-----إحاطه ---
دقت أجراس الإمتحان
ويوم الإمتحان يكرم المرء أو يهان
كما أقول دائماً
وكلها كام يوم وأبدا إمتحانات الماجسيتر
للتيرم الأول اللعين!
فلازم أحس علي دمي وأبدأ أذاكر بأه
لأن الإمتحان
يوم
23,25,27 مارس
ع التوالي
دعواتكم
وأكيد هتغيب عن حاجات كتير
وأهمها
كتبي ومكتبتي !!
):
----------------------------------
وفي النهاية
لاحظت إن في علاقه بين
إني بحضر ماجستير في كليه التربية وكلام "دستوفيسكي"
الأديب الروسي الرائع
حينما قال:
"المرء قد يجد نفسه مسوقاً إلي الجريمه,لا من أجل الجريمه في حد ذاتها
وإنما من أجل العقاب الذي يتلوها"
الجريمة والعقاب
كان راجع من مشوار بعد رحله العذاب اليومية بالمدرسه
وسألته سؤالي الروتيني
أنا: إيه الأخبار ؟
محمد : زفت واللهي؟
أنا: ليه ياعم محمد
قالي : أصل المدير شطب عليا إمبارح الصبح
رغم إنه عارف إن عندي تدريب ف الإداره.
أنا :عادي يا عم الحج هي دي مصر مافيهاش نظام في أي حاجه
حتي داخل المؤسسه الواحده!
محمد: بس محنا عارفين ده ماجبتش جديد
أنا بتطيب خاطر: الجديد يا محمد إنه إتشطب عليك وجت فيك!
محمد: أصل المدير ده غاوي عكننه علي الناس ودماغه ماشيه عكس الكون
أنا: عادي جداً الرجل المناسب في المكان المناسب
محمد: بس أنا النهارده روحت متأخر ساعه علشان يبقي يشطب عليا تاني
أنا: وليه ياعم وجع الدماغ
بدام مخه "جزمه" خده علي قد عقله وتعلاله بدري!!!
محمد: ياعم من نفسي بأه مره
أنا: مش عارف ليه بعد الجمله دي
قعدت أضحك قرابه النصف ساعه بالظبط واللهي ما ببالغ
ومش قادر أمسك نفسي وقعد يبصلي بإستغراب
وأنا ميت من الضحك
يمكن أول مره أضحك من مده بالصورة دي
لدرجة كنا بنركب الميكروباص الظريف
سألت السواق رايح الجامعه
وأنا لسه بضحك برده
فالتباع رد عليا وقال :لأ يا باشا أصلنا مروحين!!
الكلام ده كان حوالي 10 مساءاً
فقلت له :خلاص خدنا معاك ,محنا مروحين برده!!
محمد قالي: دا إنتا رخم
وأنا ميت من الضحك برده!!
والسواق والتباع إنشكحوا أوي من تعليقي ده
محمد أخر ما غلب
قالي: ياعم إيه اللي بيضحكك الوقتي ؟؟؟
قلت له: بجد مش عارف بس عجبتني كلمه "ياعم من نفسي بأه "
وروحت البيت وأنا بفكر ليه بضحك وموصلتش لإجابه
بس فهمت محمد إنه مايزعلش مني أصل الكلمه جات ف الصميم
ولما روحت مسكت كتاب جميل أوي بيتكلم علي أشخاص بدأوا حياتهم من الصفر
أصلي عقبال عندكم
عاوز أتحول من الفكر الإشتراكي إلي الفكر الرأسمالي
وبقالي مده كبيره بحاول أكون شخصية برجوازيه
تملك زمام وسائل الإنتاج علشان أُبيد الطبقه العامله
وأنفض للقراءه والماجستير والتعليم والتربية ومشاكل المجتمع وكتابه القصص
وأكون إقطاعي رأسمالي برجوازي
بلا وجع قلب .....وقلبه دماغ ( علي رأي "سيف" )
بدل الملطشه وأخد ملاليم يبقي معايا ملايين ياعني هي جت عليا ووقفت!!
المهم ,,,
وصلت لقصه حياه "شابل شابلن" الممثل الأمريكي المشهور
- ممثل الأفلام الكوميدية الصامته-
قريت حاجه علي لسانه
وعرفت ليه أنا ضحكت علي كلام "محمد"
وإيه العلاقه بين الكلام والضحك في الموقف ده
وبهديها لأصدقائي الأعزاء وبالأخص واحده معينه ( هي عارفه نفسها)
"الإنسان يحاول أن يسعد نفسه فلا يحظي إلا بالتعاسه ولكن من هذه التعاسه يتولد الضحك!
ربما بسبب فظاعه المأساه , ربما بسبب تصارع الأضداد , ربما بسبب تجاوز التعاسه لحد الحزن
حيث يصبح الضحك هو البديل المنطقي!!!!!!!!!"
*******************************
-----إحاطه ---
دقت أجراس الإمتحان
ويوم الإمتحان يكرم المرء أو يهان
كما أقول دائماً
وكلها كام يوم وأبدا إمتحانات الماجسيتر
للتيرم الأول اللعين!
فلازم أحس علي دمي وأبدأ أذاكر بأه
لأن الإمتحان
يوم
23,25,27 مارس
ع التوالي
دعواتكم
وأكيد هتغيب عن حاجات كتير
وأهمها
كتبي ومكتبتي !!
):
----------------------------------
وفي النهاية
لاحظت إن في علاقه بين
إني بحضر ماجستير في كليه التربية وكلام "دستوفيسكي"
الأديب الروسي الرائع
حينما قال:
"المرء قد يجد نفسه مسوقاً إلي الجريمه,لا من أجل الجريمه في حد ذاتها
وإنما من أجل العقاب الذي يتلوها"
الجريمة والعقاب
