تلخيص حالة ...!!!!!

كنتُ أسيرُ مفـردا

أحمِـلُ أفكـاري معـي

وَمَنطِقي وَمَسْمعي

فازدَحَمـتْ

مِن حَوْليَ الوجـوه

قالَ لَهمْ زَعيمُهم:

خُـذوه

سألتُهُـمْ:

ما تُهمتي؟

فَقيلَ لي:

تَجَمُّعٌ مشبــوه !!!!

أحمد مطر - التهمة

بمناسبة مؤتمر أنابوليس للبتنجان المشوي

الوصايا العشرة :لكُليب

(1)
لا تصالحْ!
..ولو منحوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى..:
ذكريات الطفولة بين أخيك وبينك،
حسُّكما - فجأةً - بالرجولةِ،
هذا الحياء الذي يكبت الشوق.. حين تعانقُهُ،
الصمتُ - مبتسمين - لتأنيب أمكما..
وكأنكما
ما تزالان طفلين!
تلك الطمأنينة الأبدية بينكما:
أنَّ سيفانِ سيفَكَ..
صوتانِ صوتَكَ
أنك إن متَّ:
للبيت ربٌّ
وللطفل أبْ
هل يصير دمي -بين عينيك- ماءً؟
أتنسى ردائي الملطَّخَ بالدماء..
تلبس -فوق دمائي- ثيابًا مطرَّزَةً بالقصب؟
إنها الحربُ!
قد تثقل القلبَ..
لكن خلفك عار العرب
لا تصالحْ..
ولا تتوخَّ الهرب!
(2)
لا تصالح على الدم.. حتى بدم!
لا تصالح! ولو قيل رأس برأسٍ
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك
بيدٍ سيفها أثْكَلك؟
سيقولون:
جئناك كي تحقن الدم..
جئناك. كن -يا أمير- الحكم
سيقولون:
ها نحن أبناء عم.
قل لهم: إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
(3)
لا تصالح ..
ولو حرمتك الرقاد
صرخاتُ الندامة
وتذكَّر..
(إذا لان قلبك للنسوة اللابسات السواد ولأطفالهن الذين تخاصمهم الابتسامة)
أن بنتَ أخيك "اليمامة"
زهرةٌ تتسربل -في سنوات الصبا-
بثياب الحداد
كنتُ، إن عدتُ:
تعدو على دَرَجِ القصر،
تمسك ساقيَّ عند نزولي..
فأرفعها -وهي ضاحكةٌ-
فوق ظهر الجواد
ها هي الآن.. صامتةٌ
حرمتها يدُ الغدر:
من كلمات أبيها،
ارتداءِ الثياب الجديدةِ
من أن يكون لها -ذات يوم- أخٌ!
من أبٍ يتبسَّم في عرسها..
وتعود إليه إذا الزوجُ أغضبها..
وإذا زارها.. يتسابق أحفادُه نحو أحضانه،
لينالوا الهدايا..
ويلهوا بلحيته (وهو مستسلمٌ)
ويشدُّوا العمامة..
لا تصالح!
فما ذنب تلك اليمامة
لترى العشَّ محترقًا.. فجأةً،
وهي تجلس فوق الرماد؟!
(4)
لا تصالح
ولو توَّجوك بتاج الإمارة
كيف تخطو على جثة ابن أبيكَ..؟
وكيف تصير المليكَ..
على أوجهِ البهجة المستعارة؟
كيف تنظر في يد من صافحوك..
فلا تبصر الدم..
في كل كف؟
إن سهمًا أتاني من الخلف..
سوف يجيئك من ألف خلف
فالدم -الآن- صار وسامًا وشارة
لا تصالح،
ولو توَّجوك بتاج الإمارة
إن عرشَك: سيفٌ
وسيفك: زيفٌ
إذا لم تزنْ -بذؤابته- لحظاتِ الشرف
واستطبت- الترف
(5)
لا تصالح
ولو قال من مال عند الصدامْ
".. ما بنا طاقة لامتشاق الحسام.."
عندما يملأ الحق قلبك:
تندلع النار إن تتنفَّسْ
ولسانُ الخيانة يخرس
لا تصالح
ولو قيل ما قيل من كلمات السلام
كيف تستنشق الرئتان النسيم المدنَّس؟
كيف تنظر في عيني امرأة..
أنت تعرف أنك لا تستطيع حمايتها؟
كيف تصبح فارسها في الغرام؟
كيف ترجو غدًا.. لوليد ينام
-كيف تحلم أو تتغنى بمستقبلٍ لغلام
وهو يكبر -بين يديك- بقلب مُنكَّس؟
لا تصالح
ولا تقتسم مع من قتلوك الطعام
وارْوِ قلبك بالدم..
واروِ التراب المقدَّس..
واروِ أسلافَكَ الراقدين..
إلى أن تردَّ عليك العظام!
(6)
لا تصالح
ولو ناشدتك القبيلة
باسم حزن "الجليلة"
أن تسوق الدهاءَ
وتُبدي -لمن قصدوك- القبول
سيقولون:
ها أنت تطلب ثأرًا يطول
فخذ -الآن- ما تستطيع:
قليلاً من الحق..
في هذه السنوات القليلة
إنه ليس ثأرك وحدك،
لكنه ثأر جيلٍ فجيل
وغدًا..
سوف يولد من يلبس الدرع كاملةً،
يوقد النار شاملةً،
يطلب الثأرَ،
يستولد الحقَّ،
من أَضْلُع المستحيل
لا تصالح
ولو قيل إن التصالح حيلة
إنه الثأرُ
تبهتُ شعلته في الضلوع..
إذا ما توالت عليها الفصول..
ثم تبقى يد العار مرسومة (بأصابعها الخمس)
فوق الجباهِ الذليلة!
(7)
لا تصالحْ، ولو حذَّرتْك النجوم
ورمى لك كهَّانُها بالنبأ..
كنت أغفر لو أنني متُّ..
ما بين خيط الصواب وخيط الخطأ.
لم أكن غازيًا،
لم أكن أتسلل قرب مضاربهم
لم أمد يدًا لثمار الكروم
لم أمد يدًا لثمار الكروم
أرض بستانِهم لم أطأ
لم يصح قاتلي بي: "انتبه"!
كان يمشي معي..
ثم صافحني..
ثم سار قليلاً
ولكنه في الغصون اختبأ!
فجأةً:
ثقبتني قشعريرة بين ضعلين..
واهتزَّ قلبي -كفقاعة- وانفثأ!
وتحاملتُ، حتى احتملت على ساعديَّ
فرأيتُ: ابن عمي الزنيم
واقفًا يتشفَّى بوجه لئيم
لم يكن في يدي حربةٌ
أو سلاح قديم،
لم يكن غير غيظي الذي يتشكَّى الظمأ
(8)
لا تصالحُ..
إلى أن يعود الوجود لدورته الدائرة:
النجوم.. لميقاتها
والطيور.. لأصواتها
والرمال.. لذراتها
والقتيل لطفلته الناظرة
كل شيء تحطم في لحظة عابرة:
الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ
وهو يرفرف فوق المبارزة الكاسرة
كلُّ شيءٍ تحطَّم في نزوةٍ فاجرة
والذي اغتالني: ليس ربًا..
ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ..
(في شرف القلب)
لا تُنتقَصْ
والذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة!
(9)
لا تصالح
ولو وقفت ضد سيفك كل الشيوخ
والرجال التي ملأتها الشروخ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخ
لا تصالح
فليس سوى أن تريد
أنت فارسُ هذا الزمان الوحيد
وسواك.. المسوخ!
(10)
لا تصالحْ
لا تصالحْ

أمل دنقل - لا تصالحْ

من أجل هذا الحلم

الأحلام نوعين:
حلم يمكن تحقيقه , وحلم يصعب تحقيقه
و للنوعين أضرار تختلف شدته وأثره علي حسب نوع الحلم نفسه
ممكن أحلم مثلاً بحلم أعرف حققه بس عاوز مني صبر
ومجازفه وروح طويله
وحلم تاني أحلم إني أحققه بس إمكانياتي ما تسمحش بأني أحققه
بس أهه حلم
والأحلام لو بفلوس ماكنش حد حِلم
***********
بس الأخطرفي الحلم إن الواحد مننا بيبصله ديماً بعين السائح
ياعني السايح اللي جاي يزور بلدنا
مش فارقه معاه البلد دي متقدمه أو لا؟
أهلها مبسوطين أو لا ؟
بس المهم عنده إنه يتبسط ومذاجه يبقي حلو
وعينه ما تقعش إلا علي اللي هو عاوز يشوفه كويس

مش عاوز يفحص الأمور بجديه علشان ما يشوفش الحقيقه المُره
وإحنا كده بالظبط عاوزين نحلم ونحلم ونحلم
وبين لحظه وبُرهه من الزمن يتحقق الحلم
بقدره قادر كده
طب ما نشوف ينفع الحلم ده ولا لأ !!!
أنا إيه إمكنياتي؟
درست الموضوع كويس؟
ظروفي هتسمح بده ؟
كده
*************
لما برجع بالذاكره للماضي السحيق هو مش ماضي أوي
بس أنا شايف إن رغم عمري القصير 24 سنه
بس ياما حلمت وكتير كمان
ويمكن كلنا كده مش أنا لوحدي
فمثلاً
حلمت بأني أكون مذيع أخبار بس ما تحققش الكلام ده
لأني ببساطه حلمت وطرت مع الحلم
وأنا مش باصص لإمكنياتي ولا باصص للموضوع بجديه
أهه حلم والسلام

و حلمت إني أدخل الكليه اللي أنا عاوزها وبرده ما حصلش
يمكن أسباب مني وأسباب تانيه بس برده الحلم ما تحققش
عاااااااادي أهه حلم والسلام

بس من سنه بالظبط وزي النهارده تماماً
2006/11/13
في الشهر ده قررت إني أحقق ذاتي وأعمل تعديل علي مساري
والتعديل مش جزري ولكنه جوهري بالنسبه لي جداً

قررت إني أكمل دراسات عليا في التربيه جامعه عين شمس
وأنا حالياً بكمل ماجستير هناك ورغم إني أسكن بالمنصورة
بس عملت ثوره علي الجامعه ورفضت إني أكمل فيها

لأسباب كتيره يمكن منها:
- بعض الدكاتره بصيين لينا بإننا هانزاحمهم
في كراسيهم ومكاتبهم وياعني هناخد حقهم

- واللي بيعامل الطالب الي معاه بسفلقه و إستقطاع
ذي إقطاعيين ما قبل ثورة يوليو

- والي غاوي يعكنن ويطفش الباحثين وفي الأخر يقولوا
أصل الطالب لسه عضمه طري وعاوز العمليه سهله كده بدون تعب

طب هو إحنا لازم نطمرمط زيكم و نتبهدل
طب أنا مش ممانع بس يكون بفايده
مش لتنفيس عقدكم فينا وبس

ولكني قررت في نهايه المطاف أن أقول لهم
وأنا أحمل شهاده الدبلومه الخاصه وأخرج من الكليه

أشبعوا بالكليه وأنا سايبها وغيري كتير هيسبوها
وإبقوا شوفوا مين اللي هيعملكم قيمه
******************
ولملمت أوراقي وذهب لجامعه عين شمس
وأنا جوايا عاوز أحقق حلمي وهدفي في الحياه
بس المره دي ما كنش حلم كان واقع
واقع أنا اللي إخترته ورسمته وشايفه قدامي يترأي

أينعم هو صعب وطويل بس أنا دارس إمكانياتي المره دي
وشاييف إنه مش حلم هو واقع بس النجاح فيه مثل الأحلام بالظبط
وأديني بحاول وأجتاز الصعاب و أسير بخطي ثابته

.................
وساعات بسأل وأفكر في حالي
وجوايا تفاؤل غريب وفي نفس الوقت ألم وإرهاق عقلي وجسدي
لحد إمتي هفضل كده؟
لحد إمتي معملتش حاجه لنفسي؟
أنا بتعلم ولسه بتعلم وحابب ده
بس
هفضل طول عمر كده!!

************

نفسي أحقق حلم الأدب بداخلي
وأكون دكتور جامعي
أحس بالطلبه وأحقق اللي قبلنا معرفوش يحققوه
وبيلومونا عليه

هههههههههههههههه
بس برده دا حلم
وكل يوم بنحلم ويمكن كل ساعه ويمكن الواحد بيسرح كتير
ولو بص لها بعين المتفحص مش هيفكر فيها
لأنهها ببساطه أحلام أكبر منا
بس برده بنحلم وبنرسم صورة ورديه ونحلم ونحلم

لحد ما نلاقي شخص بينبهك إنك بتحلم !!!

بس أنا أخترت طريقي ومشواري
هو يمكن يكون طويل وصعب وشاق
بس أنا حَبه وحاابب الطريق ده
هكمله للنهايه مهما بغلت المشاق ومهما ضيعت فرص كتير في حياتي
كل ده علشان حلمي يري النور وأحقق ولو حلم واحد من أحلامي
......................
بس علشان أحقق الحلم ده كان لازم إني أتخذ قرار واضح وصريح
القرار إني أسير للأمام دون أن أنظر للخلف
أمامي هدي الله ونوره
ومن خلفي دعوات أهلي وأمي الحبيبه بالأخص
وعلشان أتخذ القرار والسير في هذا الطريق
كان يجب علي أن أضحي وأترك بعض الفرص
التي يراها بعض أصدقائي أنها فرص لن تمنح لي بعد ذلك
لكني رفضتها جميعاً وأسير بخطي ثابته والحمد لله

ديماً كنت بقول لصديقي وزميلي إبراهيم
البلد دي إدتنا حاجه واحده بس
وهي اهم حاجه ولولاها ما كنش للبلد دي لازمه

وهي نعمه الإسلام والإيمان بالله
ويمكن ده المحرك والأمل ليا ديماً رغم تقصيري الشديد مع الله
لكنه يهدني دائماً لما فيه الخير والحمد لله
................
للأسف الحلم طويل جداً وشاق ومكلف أيضاً
دون شك وساعات كتير بحس بالضعف
ودا الطبيعي لأننا بشر مش روبوت أو شخصيه فرانكشتينيه
ولكني لم أشعر بلحظه ندم واحده
أندم إزاي وأنا اللي إختر الطريق وانا صاحب القرار النهائي فيه
......................
فيارب يسرلي طريق الرشاد والخير
فأنا لا أعلم شيئ وأنت العليم الخبير

أرجو لمن يقرأ المأساه السابقه !!!!
يدعو بظاهر الغيب لي

فتاه المقبره ..... قصه قصيره

ترك يده تغوص في جيبه لتخرج علبه التبغ
ليدخن لفافه من التبغ الأجنبي
وأخرج منها سيجاره

ووضعها في فمه و بحث في جيبه مره أخري
عن قداحته الفضيه ليشعل سيجارته التي كره رائحه دخانها
ولكنه لم يجد مفر أمامه سوي إشعالها
ولكنه لم يجدها في جيبه

وهتف في حنقه أين أنتي أيتها القداحه اللعينه أين ذهبتي؟
هل نسيتها كا العاده!!

وبعد شد وجذب مع جيوبه السته وجدها أخيراً
كانت قابعه أسفل قلاده المفاتيح
وهم بإشعال اللفافه
ولكنها فاجئته بصوت نفاذ غاز القداحه!
فإذداد حنقه

وهتف في صراخ:
إذهبي إلي الجحيم لقد مللت هذا الصوت منكِ
ونظر لها بغضب ورفع يده إلي الأعلي
وهم برميها علي مرمي بصره
ورأها تهوي أمامه لترتطم بالأرض في صوت
مكتوم

ولكن الطريق طويل ولن أجد مكان أشتري منه قداحه أو عود من الثقاب

هكذا قال في أسي وضيق
ولكنه قرر أن يكمل المسير بحثا عن مكان يبتغي منه طلبه!!
وفي أثناء تجوله في شوارع المدينه التي يقتنها
قرر فجأه أن ينحرف ويخرج عن زحام ووجوه سكان المنطقه
التي يعتريها الهم والكرب ويخطلت بالفرح والشجار
فب سيمفونيه فلكلوريه عجيبه
فخرجت منه كلمه دون أن يشعر بأن الأخون يلاحظونه

لقد مللت رؤياكم فالترحلوا عنا أو أرحل أنا عنكم!

وفي غمره هتافه نظر إليه رجل ظهرت عليه علامات الكبر والكهوله
كان يرتدي ثياب متواضعه وتجاعيد الزمن والبؤس تظهر عليه
ويتدلي شنب كث أبيض يغطي فمه تماماً
وعينان ضيقتنان تحيط بهما هاله من السمار من قله الراحه والنوم

فناده وقائلا : لماذا أنت غاضب يابني؟

فنظر إليه الشاب في إشمئزاز
وقال بصوت مخنوق أخرجه بصعوبه من فمه
وكادت كلماته أن تُحرق حلقه من غضبه الشديد
لست أدري أين أذهب ولكني مللت هذه الأشياء
مللت هذه الوجوه
مللت حياتي بٍرمتها !!
أريد أن أرحل أو يرحلوا هم؟

من تقصد بهؤلاء يابني؟

قال : هؤلاء الذين أضاعوا مستقبلنا وحاضرنا وجعلوا الحياه ضيقه
وإبتلعوا أمالنا وإمتلؤا بمص دمائنا وإذدادوا وزنا
كأنم أفيال ! ولكن الأفيال تموت وهم لا يموتوا

وأكمل حديثه ووجهه
إكتسي باللون الأحمر القاتم من شده الحنق

لا أتحمل ان أعيشها معهم في مكان واحد
تحت سماء واحده
فوق أرض واحده
فهم مثل الجراثيم تسبب الأمراض
ولا مناص منها ولا مفر إلا بأن تقتلها او تقتلك !!
والادهي والأضل أنهم يقولون لنا
إنهم يسعون في الأرض الإعمار
ونحن سبب المشاكل والكوارث
ويتمادون في حياه
كأنهم لن يموتون غداً
ويهتفون من منابرهم ومواقعهم
بأن لولا نحن لهلكتم
فنحن الذين نرزقكم ونحن أدري بكم من أنفسكم


فنظر الرجل إليّه
في حزن وقال في صوت أشبه بالهمس

يا بني ! إن الحياه لا تخلوا من هؤلاء الشرزمه
ولو خلت الحياه منهم
فلن يكن من المعقول أن يخلق الله سبحانه وتعالي الجنه والنار
فدع الهم وإستمتع بحياتك
فحياتنا علي هذه الأرض قصيره
أمن المعقول أن تضيعها في فوضويه
ومشاكل عجز البشر جميعاً علي أن يجدوا حلول لها
وعلم أن ربك لن يتركهم كذلك
هو يمدهم في طغيانهم حتي لا يشفع لهم شافع
ولا يجاب لهم طلب

لم يهدأ البركان الثائر بداخله
وقرر أن يترك الرجل ويكمل مسيرته

وودعه وقال :
لن أقبل بأن أعيش وأتعامل مع قوم مستعبدون
ولا يحركهم إلا السياط
فالليذهب الجميع إلي الجحيم فهم أزلاء وأنا لا

وفي أثناء سيره قاطعه إبتسامه طفل بريئه
لا تحمل هموم الدنيا ولا يشغلها سوي العبث بالأشياء
والتمتع بالحياه
فهمس بدخله وهو ينظر للطفل
ليتني لم أكبر ليتني مثلك! ولكنها أماني وأحلام

الشارع بدأ يخلوا من الماره أو أنه بعد كثيراً عن منزله ومدينته
لم يدرك بعد
فكان يميزها أدخنه حرق القمامه
التي تراقص أدخنتها السوداء من بعيد
ويجعلك تحتضر من رائحته وأنت ماراً بجوارها

وفي هزيانه هذا شعر بأنه يلمح فتاه تأتي ناحيته من بعيد
كأنها شبح يتراقص ويتمايل ظلها كلما إقتربت منه

وإقترب أكثر فأكثر
..
...

وبدا شعرها الرث الذي يشبه فروع شجر النخيل يظهر

كأن الماء لم يلامسه من دهر كامل
ففغر فاهُ من الإندهاش والترقب

وهتفت الفتاه وهي تتمايل من الهزيان
في حاله من عدم الإتزان الجسمي

وبصوت أشبه بالفحيح
قالت
الحياه مثل المربع الأسود ونحن نجلس بداخله
وإذا نظرت أمامك تري
نقطه صغيره بضياء شاحب
كلما إقترب منها بعدت عنك
.....

وبنهايه أخر حرف من كلامها الأسود المشؤوم
رأها تظهر أمامه مع رائحه كريهه
كانت تفوح من ملابسها
ومدت زراعها له
وقالت:
جئت ملبيه لك
فسألها في توجس : من أنتي؟
قالت: أنا فتاه المقبره

ولما أنتي هنا في هذا الوقت
سألها في ريبه وخوف يعصر أطرافه

قالت: أنا مثل الظل أظهر لمن يري الحياه بلونها الأسود
وبرائحتها الكريهه وألوانها الشاحبه القاتمه

فقال : ولما أنتي أتيه تجاهي وتكلمني كأني أعرفِك من أمد بعيد؟

قالت لانك إستدعيتني فجأت لك ملبيه طلبك

قال بوجهه شاحب: أنا ؟ كيف؟ لا أعتقد ذلك .. أنا لم أفعل ما تقولينه!!
قالت وهي تبتسم وتفسح عن أسنان صفراء كريهه المنظر
فقدت
منهم أربع أو خمسه أسنان أو يزيد

بل فعلت , فأنا الحياه التي رسمتها لنفسك والتي تشعر بها الأن
وإستمرت في حديثها
قائله:
أنت من ترسم طريقك بنفسك
وتراه بعينك
هل تريده أن يكون أسود فسيكون
وإن أردته أبيض سيكون
وإن أردته بلا ألوان أن يكون

فقال لها وهو يحاول أن يتخلص من خوفه وشحوب وجهه
و التأقلم مع رائحه ثيابها الكريهه
لا أريد أن تكون حياتي كذلك
لن أطيق هذه الحياه
أنا لم أرسمها كذلك
بل الظهروف من حولي هي التي جعل

الأمال ....أوهام
والأحلام ....كوابيس
والتفؤل.... تشاؤم

نعم, سأغير مسار حياتي كما أرغب أن أعيش فيها
لن أترك نفسي للأوهام والأمال السوداء
سأتخلص منهم

لأفوز أنا ويخسروا هم

وقال وهو يهم بالرحيل

فاليذهبوا للجحيم أما أنا فلن أذهب
ولتذهب هذه السيجاره اللعينه مهم كذلك


************************
The End

عندما يتحدث الشيخ الشعراوي رحمه الله

الشيخ الشعرواي(رحمه الله)

أثناء ترتيبي للبيت الداخلي ( كتبي),

وجدت كتاب صغير لا يتعدي 56صفحه

وكان تحت عنوان"حوار مع الشعراوي عن الحكم والعدل والشاب"

وإستعجبت من تمن الكتاب حيث أنه لا يتعد 10قروش وطبعه الكتاب

سنه 1982 م!!!

ولكن رغم قله ثمن الكتاب إلا أنه كان يحمل ف طياته العديد والكثير

من أراء الشيخ العظيم تجاه بعض مشاكل الأيام التي كُتب فيها هذا الكتاب

غريب هذا الشيخ كلما أقرأ كتاب له أو أسمع تفسيره للقرآن أتعجب

هل كان هذا الرجل يسبق عصره أم هي موهبه من الله وهبها الله له؟

أم الإثنين معاً؟

************

الكتاب قيم فعلاً ويجيب علي بعض المشاكل العصريه بالحجه والبرهان

وبأسلوبه السهل البسيط كما عودنا رحمه الله

فحبيت أنقل هذه الأفكار لأنها مهمه ومفيده ف ذات الوقت

و المفيد إنها ممكن تخلينا ندور علي كتبه ونشتريها ونقرأها بفهم ونطبقها لان كتبه ثروة فكريه ودينيه

************

من وحي الكتاب في عده نقط

حوار مع الشعراوي عن الحكم والعدل والشباب

النقطه الأولي:

أيهما أصح أن نبدأ "بسم الله" أم " بسم الله الرحمن الرحيم" في العمل

؟

يري الشيخ أن "بسم الله" كافيه لتكون إستهلال فهي تعني أني أقبل علي فعل الشيئ لا بحكمتي ولكن بحكمه وجبروت الله .

ولكن "بسم الله الرحمن الرحيم" في الأستهلال أكمل

لأننا حينما نقبل علي عمل لا نقبل عليه بمقدرتنا أو علمنا أو طاقتناً ولكن نحن وعلمنا وطاقتنا وعلمنا مخلوق الله

أما بالنسبه لقرأه القرآن الكريم فلابد من قول البسمله كامله

"بسم الله الرحمن الرحيم"

لأننا قد نكون عصينا الله ونريد أن نستعين به وطلب المغفره فيقول الله أذا أردت أن تدخل من هذا الباب فلا تعتقد أنك وبمعصيتك له يمنع تذليل الأشياء لك لأنه الرحمن الرحيم

النقطه الثانيه:

هل الدين للجميع؟

قال الشيخ هذا مصطلح خطأ لأن الأصح أن نقول الدين للعلماء المتخصصين أما التدين فهو للجميع , وبرر ذلك بقوله أننا حينا نمرض نذهب للدكتور المتخصص وليس أي واحد والسلام.

النقطه الثالثه:

رأي الشيخ في مسأله الصلاه في مسجد به قبر؟

قال :إذا كان لا يجوز الصلاه ف مسجد لأنها تعظيم للقبور فإذهبوا وإهدموا المسجد النبوي!! وإذا قلتم أن النبي صلي الله عليه وسلم

فيه فإني أقول لكن إن فيه أيضاً أبا بكر و عمر رضي الله عنهم

النقطه الرابعه:

الإختلاف ف الأحكام الدينيه

قال الشيخ علي المسلمين جميعاً أن يعرفوا أن الحكم الذي يرد الله أن يفعله الذين أمنوا به ويلتزموا به جاء الله به صريحاً دون ترك الخلاف للناس لأنه لو تركه محل خلاف لعم الخل والفساد في المجتمع

أما الأشياء التي يصلح استمرار الكون علي فهمها بأي لون فإن الحق تركها للإجتهاد مراعاه لإختلاف التطور العقلي و الزمني والمكاني

مثل قوله تعالي:"إذا قمتم إلي الصلاه فإغسلوا وجوهكم وأيديكم إلي المرافق" الله سبحانه وتعالي قال الوجه دون تحديد لأن جميع الناس تعلم أين هو الوجه

بينما حدد اليد إلي المرافق لأن كلمه يد يمكن أن تطلق علي الكتف أو الكوع أو الكف

النقطه الخامسه:

الفرق بن الزكاه و القانون الإقتصاد العالمي؟

القانون الإقتصادي العالمي عندما يكثر مال الفرد تزداد عليه الضرائب

أما الزكاه إذا كثر عملي ومالي قلل الله الزكاه !!

عكس القانون البشري

لحكمه من عنده, فالله سبحانه وتعالي يريد من كل واحد أن يتحرك لأن المتحرك يسنفع غيره حتي وإن لم يقصد ذلك

فمثلاً

الذي يجد كنز يخرج 20% زكاه , وإذا زرع فلاح أرض وإعتمد علي ماء المطر في سقي الأرض أخرج زكاه 10% أما إذا قام بكل شيئ أخرج نصف

العشر أما التاجر فيخرج من ماله 2.5% فقط لأن في التجاره حركه.

النقطه السادسه

تاريخ مصر عريق في الإسلام رغم أن الإسلام لم يبدأ منها؟

قال الشيخ بأن الرسول صلي الله عليه وسلم قال " إن أهلها في رباط إلي يوم القيامه"

ومعني كلمه الرباط أن أهلها جالسون ينتظرون الصيحه لنصره دين الله

وقال صلي الله عليه وسلم " كنانه الله في الأرض"

والكنانه هنا تعني جعبه السهام والمعروف لدي المقاتلين بأنهم يحملون جعبتهم خلف ظهرهم أو جانبهم فكأن مصر هي التي توخذ منها السهام لتقذف في وجهه أعداء الله

النقطه الأخيره:

ما الجماعه المقصوده بقول الرسول صلي الله عليه وسلم

"إلزم الجماعه وإمامهم فإن لم يكن للمسلمين إمام أو جماعه فعليك خاصه نفسك.."

لأخر الحديث

قال الشيخ بأن الجماعه التي تحدث الرسول صلي الله وسلم عنها هي تعني كل الناس وإجتماعهم علي رأي

والإمام هنا في الحديث هو الذي يختاره الناس واجمعوا عليه وصعدوا به من تحت لفوق وليس مثل الخميني في إيران.

إلي هنا إنتهي حوار الشيخ رحمه الله ونفعنا بعلمه

النقط السابقه منقوله بتصرف يسير لم يخل بالجوهر

والله أعلم

مبروك يا دكتور سعيد

دكتور / سعيد إسماعيل علي

سعدت جداً بخبر أن الدكتور/ سعيد إسماعيل علي الخبير التربوي

بكلية التربية جامعة عين شمس

حصوله علي جائزة مبارك للعلوم الإسلاميه

لهذا العام في إحتفال وزارة الأوقاف بليلة القدر

عن كتابه "الإسلام والغرب .. تعايش أم صراع"

نقلاً عن جريده المصريين الإلكترونية

http://www.almesryoon.com/ShowDetails.asp?NewID=39559&Page=13

وقد

حالفني الحظ بأن أقابله شخصياً .. وأتحدث معه أثناء تواجدي

بكلية تربية عين شمس

وكان أخرها الإثنين الماضي

حينما كنت بالقاهره

أشعر معه بخليط من الأبوة وتواضع العلماء

لأنه طيب القلب و كريم الخلق

كعادته ..

مع حبه للباحثين وتشجيعه لهم الدائم

####

رغم إن إهتماماتي تتعلق بطرق تدريس ومناهج العلوم

إلي أنه جذبني إلي الكتب التي تتناول أصول التربيه

بأسلوبه الفلسفي البديع و إبداعاته الكتابيه

و إهتمامه بالهموم التربوية

وأحوال مصر عموماً

########

وبدايه معرفتي به عن طريق كتاباته و كتبه الضخمه

التي كان يطلعني عليها صديقي الصدوق سيف

أحببت أسلوبه الكتابي وإهتمامه الواقعي بمشكلات التعليم ف مصر

وكنت أقول لنفسي لماذا لا تكرمه الدوله !!

وها قد حصل

أنااا سعيد بجد بالخبر ده

ربنا يديم عليه بالصحه والسعاده

#####

يا ريت تتابعوه كل يوم خميس علي موقع جريده المصريين

ليه مقال رائع يتناول الموضوعات بنظره شموليه متعدده الأبعاد

بذكاء وربط رائع بين الواقع والماضي

دا موقع الجريده

http://www.almesryoon.com/index.asp

مصر 2007م هي هيّ مصر 1973م

1973/10/6

أشعور برعشه تسري في جسدي

حينما أشاهد في التليفزيون عبور جيشنا المصري

لخط بارليف الإسرائيلي و دهس العلم الصهيوني ورفع العلم المصري

لا أشعر بسعاده اكثر من مشاهده هذه الصورة

علم بلدي يرفرف علي أرض سيناء

وأتسائل كيف عبر جنودنا قناه السويس؟

كيف دمرت طائرات التدريب قلاع وحصون العدو الصهيوني؟

كيف مر جنودنا بين شظايا القنابل والموت يلاحقهم في كل مكان؟

ولكنه هذا الشعار هو مصدر قوتهم إنه

ألله أكبر...ألله أكبر

نعم لقد إنتصرنا ببنادق ومدارفع وطائرات بسيطه أمام الفانتوم الإسرائيلي

والدبابات الحديثة بقوة عزيمتنا وإيماننا بقضيه بلدنا مصر وفوق كل ذلك

طلب العون من الله

ألله أكبر... بسم الله

فكان الله سبحانه وتعالي معنا مؤيدناً وناصراً لنا في الحرب

فهم رجال صدقوا ما عاهدوا الله عليه

وما رميت إذ رميت ولكن الله رمي

أنتظر كل عام هذا اليوم

الذي أشعر فيه

بفخر مصريتي

بقوة بلدنا

بالإيمان الصادق

أشعر بأني فخووور بمصر

ويمتزج هذا الشعور والهواجس مع أغاني عبد الحليم الرائعه الوطنيه

فحينما غني

بسم الله الله أكبر بسم الله

.......

لفي البلاد يا صبيا بلد بلد

.............

عاش اللي قال

.......

المركبه عدت

......

خلي السلاح صاحي

أغاني صادقه من مطرب عبقري في وقت إنتصار

رحم الله أبطالنا المصريين

*************************

رغم كل الصعاب التي تمر بها مصرنا اليوم والإستهتارات والا مبالاه

ورغم الفاسدون والجاسمون علي صدورنا

ورغم فقدان الحس الوطني والشعور بالإنتماء

ورغم أن شباب مصر اليوم يضحي بحياته في طلب الهجرة والغرق في البحار للهروب من بلدنا

ورغم تراجع الدييين وتهميشه

رغم كل الإهانات التي تلاحقنا اليوم

سوف تعيش مصر حره قوية

بإذن الله تعالي

الجماعة المحظورة.... الحلقه الأخيرة

الجماعة المحظورة مش محظورة

الإعلام بيحاول يُعتم الحقيقة الواضحة مثل الشمس ألا وهي أن جماعة الإخوان المسلمين جماعة علنية ومنتشرة في مصر و72 دوله علي مستوي العالم تقريباً

يبقي إذاي تكون محظورة !!! , للأسف أنا شايف إن عقل الإعلام هو اللي محظور!!

!! وطبعاً معاهم المنافقين والمهللين للنظام وتدعمهم في ذلك الصحف الخيبة مثل روزاليوسيف وغيرها من صحف التي تحاول يومياً أن تبيض وجه النظام الحاكم

وتاريخ الجماعه طويل وشاق من النضال والدعوة منذ تأسيسها علي يد حسن البنا مروراً بالمفكر سيد قطب وبعد ثورة يوليو تحولت إلي جماعة سياسية

أنا أحترم شعار الإسلام هو الحل

رغم إني مسلم لا أنتمي لأي مذهب (سلفي-إخواني-تبليغي-صوفي) لكني شايف إن الشعار ده خلاصه كل مشاكلنا, فالحل ف إتباع سنه الرسول صلي الله غليه وسلم ومنهج الله ف الأرض القرآن الكريم , من مميزات الإسلام العديده كما قال العقاد في كتاب الإسلام دعوة عالمية

أنه دين شامل يقبل التطبيق ف أي مكان وأي زمان ولكن لتحقيق ذلك يجب أن نهيئ

العقول لذلك في تقبلها وفهمها أن السلام دين جاء لتحقيق السعاده والصالح لهم

وبالنسبة للإخوان أنا مش شايف إن الشعار ده عنصري أو يفرق المسلمين بين إخواني مسلم وغير إخواني مسلم أو إلي إخواني وغير مسلم المشكله في السفهاء من القوم اللي شايفين أن رأيهم صح بدون فهم الأخر رغم أنهم يدعون للحوار مع اليهود ولكنهم يرفضون الحوار مع الإخوان

الحرب علي الإخوان حرب شيوعية

بيستفذني الشيوعيين جداً رغم تعريه الشيوعية و رغم تحطم أمال كارل ماركس ولينين عام1989

بإنهيار سور برلين وتفكك الإتحاد السوفيتي إلي دويلات رأسمالية والبعض القليل منها شيوعي إلا أن شيوعين مصر لم يتعظوا مما جنته الشيوعيه الملحده التي لا تعترف بالإسلام للبلاد الروسية

فلما نيجي مثلاً نشوة جريده الأهالي المصرية الناطقه بلسان الحزب الشيوعي المصري المريض نلاقي جهلاء القوم يهاجمون الإخوان ظاهراً لكنهم يبطنون الكرهة للإسلام ويدعون لعداءه باطناً وعلي رأسهم رفعت السعيد الشيوعي الجاهل الذي يري أن الخطر الإخواني أكثر تدميراً لمصر من الخطر الصهيوني وكأنه بجهله لم يقرأ التاريخ

ولكن الله طمس علي قلبه

وكل كلامه هجوم بلا أدله وبراهين سب وقذف والهدف منه التمتع بحب وعطف النظام الحاكم فهو يري كل من سب الإخوان فهو في عباءه الحزب الحاكم

ولكنه نسي أنه سوف يموت ويخلد إسمه في مزبله التاريخ

ولكن رغم وجود حزب شيوعي مصري إلا أنه ضعيف وتأثيره مقتصر علي قصار النظر وجهلاء الشيوعيه والملاحده المصريين الجدد

ومن هذه الأمثله كثيرة كل هدفها التهويل والترويع من الخطر الإسلام لإخواني

وهذه عادت الشيوعين دائماً لصق الإسلام بمسميات للمساس بقداسه الدين ولكن الدين الإسلامي لا يهزه ولا يمسه مثل تلك المسميات مثل الإسلام الإشتراكي أو الإسلام الماركسي علي يد جهلاء مثلما فعل عبد الله بن سبأ

ولكن أكثرهم لا يعقلون

الحرب علي الإخوان حرب علمانيةSecularism

العلمانية ببساطه هي فصل الدين عن الدوله ظهر المصطلح ده في نهاية الحرب الإنجليزية الفرنسية سنه 1648م وسميت بمعاهده بنسلفانيا وفي ناس شيفنها أيدولوجيا (طريقه فكرية ف الحياه عموماً) والبعض شايف إنها مذهب ذي المذاهب الأخري الموجوده مثل البوذية والإشتراكية

ومنهم مراد وهبه فيلسوف العلمانية المصري كما يلقب

وطبعاً أمريكا بتدعم الفكر العلماني في مواجهة الشيوعية والفكر الإسلامي تحت مسميات منها

الحزب الليبرالي , حزب الجبهه الديموقراطية

وحزب الغد وأغلب الأحزاب المصرية ومنها الحزب الحاكم أيضاً

ومشكله العلمانية مع الإخوان إن الإخوان قائمين علي مبادئ الإسلام والشوري والعقوبات الإسلامية والولاية ويري العلمانيين إن ده منافي لمسمياتهم الغربية

مثل المواطنه و حق التعبير وحقوق المراه وغيرها من المصطلحات اللتي يقذفونها في وجوهنا كلما فتحنا التليفزيون

و رغم قوة العلمانين ولكن العلمانية لا تناسبنا لأسباب

منها أن الغرب ذاق ظلم رجال الدين والكهنوت المسيحي والفشل في الحياة العلمية والمدنيه فقرروا تنحية الدين جانباً وشنق أخر قيصر بأمعاء القسيس

وقد قال الشيخ الغزالي في مسأله العلمانية في كتاب كفاح دين

وقال

"فإن فصل الدين عن الدولة نغمه ولدت في الغرب للخلاص من القيود الكنسية علي حرية العقل والضمير ثم نقلت إلي الشرق كي تمهد العقبات أمام الزحف الإستعماري وتهد قلاع المقاومة الهائله التي ثارت في وجهه , أي انها كلمة قيلت هناك للحد من طغيان رجال الدين وتقال هنا لهدم دين كامل "

الإسلام هو الحل والمسيحية هي الحل

الحجه الطريفه في محاربة الإخوان المسلمين يقولون بأنه بسبب عدم دعوة ذلك المسيحين لعمل حزب ديني طيب وإية المشكله؟؟؟؟؟؟

أنا شايف إن من حق كل أشخاص في أي بقعه من بقاع العالم تعمل حزب علي أي أساس كان ديني أو مذهب فلسفي

والواقع هو اللي هيحدد هل يصلح فعلاً الحزب ده ولا لأ ؟؟؟؟!!

بمعني أن الدين الفلاني هيصلح يكون فلسفه الحزب ده ولا لأ

والموضوع ده مش جديد دا موجود في دول كتير في العالم منها إسرائيل ومنها الأردن ومنها تركيا وموريتانيا وباكستان وماليزيا

وحتي الولايات المتحده نفسها بيفرق الجمهوريين عن الديموقراطين بالمذهب الذي تتبعه مسيحي /مسيحي صهيوني

ولكن الإسلام هينجح زي محصل مع ماليزيا وهتفشل المسيحية كما فشلت في دول أوربا وأمريكا

بلدنا هتتقدم بالإسلام وليس بالعلمانية أو الليبرالية

كنموذج لده ماليزيا مثلاً إية اللي خلاها متقدمه وتنافس اليابان والصين والولايات المتحده

هو الدين , عندما أتي الدكتور مهاتير محمد للسلطه سنه1981م في ماليزيا كان نموذج للمسلم العصري يربط الإسلام بالتقدم , رغم إن دستور البلاد علماني ولكن المؤسسات الدينه هناك تشرف علي التعليم والصناعه والتجارة والصحة لانهم تعلموا من أن الغرب لا يريد لهم التقدم ولا نجاح للشيوعية

الدولة الدينية / الطيوقراطية

مش عاوزين حزب علي أساس ديني ! وطب وليه إسرائيل قائمة علي أحزاب دينية؟

الإسلام من مميزاته أنه يشمل جميع الأديان تحته لأنه يعترف بيها ويتعايش معاها مثلما أمنْ الرسول صلي الله عليه وسلم يهود المدينة وكذلك فعل الخلفاء الراشدين من بعده والمشكيه الحقيقة مش في مسأله الدوله المدينة والدولة العلمانية المشكله في العقول اللتي تخطط وتوهم الناس بالخطر الإسلامي بدلاً من الخطر الصهيوني

وللأسف لم يعي أولائك اللذين حزرونا من الإخوان من زلات الرؤساء الغرب

أنجلا ميركل المستشارة الألمانية تريد أوربال مسيحية مثل القرون الوسطي

وفرنسا تطمح في رفع شعار الحملات الصليبية الجديده

وبوش يقول أنه يخلص الشعب العراقي من الحكم الديكتاتوري بأمر الرب!!!!

مش دول برده تفكيرهم ديني ولا إيه بالظبط؟؟

الصراع الإخواني والسلطه

الصراع ده بسبب عدم وجود مؤسسات دينية يتجمع المسلمين تحتها , وقوانين تراعي حقوق الإنسان وتكفل العداله الإجتماعية لكل أبناء الوطن مسلم /مسيحي

والخلط بين مفاهيم إسلامية ومفاهيم غربية مثل خلط الربا بالفوائد البنكية

وعدم شعور المتدنين بأن الدستور النابليوني العلماني يحقق أمال معظم الناس , فهو دستور نفعي يفصل علي أهواء الأحزاب الحاكمة بدايتاً من العهد الناصري وإنتهائاً باليوم

إخوان فلسطين

ينتابني حالة من الضحك عندما أسمع التحزيرات من قيام دوله دينيه علي حدونا في مساحه لا تتعدي الأللاف متر مربع يسكنها مليون ونصف مليون فلسطيني

ولم يقول لنا أجد لماذا رضوا بالدوله العبرية التي تقوم علي أساس توراتي ديني منذ 1948م

ياعني حماس إرهابيين وخطر والليكود والعمال مش خطر دول ناس بتحب السلام !!!!

واللي ذاد وغطي قالوا بأن حماس إنقلبت علي الشريعه الفليسطينية طب هي فين أصلاً الشرعية الفليسطينية وهي إيه الشرعيه دي هل هي شريعة تقبل اليهود والركوع أمامهم أم ماذا

بلا ش دي

طب السؤال المهم ليه حماس تنقلب علي الشعب اللي إختارها مرتين

!!!!

مدونين الإخوان المسلمين

تجربه التدوين للإخوان محترمه جداً ومن أجل تسميع صوتهم في كل مكان داخل وخارج مصر وهما فعلاً كسبوا عطف المدونين الأخرين واللي بيحترمني فيهم وفائهم لمعلمهم البنا وفكرههم إسلامي ناضج ربنا معاهم لأنهم مصريين ومسلمين

وهما مش عايشين ذي ما جريده المصري اليوم بتقول

الجيل الثالث للإخوان يعيش علي النت ويتمرد علي الجماعه

دا بصراحه غباء من الجريده

الإخوان المصريون

أنا شايف رغم قوة الإخوان في الشارع المصري في مناحي كثيرة من مناحي الحياه إلا أنها فاشله أو لم تحقق المراد منها

بسبب بعض الأمور منها

- الأشخاص المتسلقون اللذين إنضموا للجماعه بهدف منفعه

- عدم وضوح فكرهم السياسي مرة يقوا إحنا مع الليبرالي ومرة مع العلماني ومرة مع الشيوعي

-زياده إهتمامهم بالجانب السياسي علي الجانب الدعوي الإسلام وعدم الوزن بين الإثنين

-يطالبون بتداول السلطه ورغم هذا يولون المرشد العام حتي الموت

رغم هذه النقط السابقه إلي أنهم جماعة متعاونه قوية غير محظورة تتعامل مع جميع فئات المصرين مسلم أو مسيحي سلفي أو تبليغي إلي أنه ينقصها أهم شيئ

القائد المناسب خصوصاً عندما سمعت حديث المرشد العام في برنامج القاهره اليوم مع عمرو أديب والأخطاء التي يقع فيها المرشد دائماً فأنا كإنسان عادي شعرت بالغبطه لتعاطفي مع الإخوان , ولكن يجب تغيير هذا الرجل لأنه لم يفيد الجماعه في شيئ

بل إستفاد منها النظام لمحاربتهم

رغم قوتهم أثناء إنتخابات مجلس الشعب

الخلاصة

إحنا عاوزين مصر ذي ماليزيا وليست مثل إيران والمملكه السعودية

إنشاء مؤسسه دينيه ترعي كل شؤون مسلمي العالم وببلاش يكون رئيسها طنطاوي

تحقيق العداله الإجتماعية والديموقراطية وساعتها مش هيكون هناك محظورة ولا محظور

الحل

التغيير *** كفاية

سؤال برئ

ليه معدناش بنسمع أغنية أول طلعه جوية ولا أغنية إخترناك في التليفزيون المصري

أصلي هموت وأسمعهم.... بس خير ماعدوش بيتزاعوا ليه؟

تـمـت

الجماعة المحظورة .....بعين شخص غير محظور (3)

فاتحه .....خير

أحب أنبه بس ياريت الأخوة يقرأوا الموضوع كاملاً وبعدين يعلقوا .. أنا مش قاصدي الإهانه لأي جماعه أو ناس أنا بتكلم عني كشخص عادي فكر في يومن من الأيام إنه ينضم لتيار ديني ,,

وللعم أنا لست سلفي ولا إخواني ولا أنتمي لأي تيار ديني .. بس أنا ممكن متعاطف مع الإخوان المسلمين لأنهم جماعه أنا بحترمها ولكن لن أنضم لهم .

وهقول ليه في الموضوع القادم والأخير إن شاء الله.

فلسفه...... فرق تسد

المبدأ ده إستخدمه الغرب والإحتلال عبر العصور لكي يهدموا الإسلام والحضارة الإسلامية من أمدٍ بعيد والغرب نجح ف ده تماماً

وقسم الشعوب إلي فرق ومذاهب متناحره حتي داخل البلد الواحد ولما خرج الإستعمار والإحتلال من الدول الإسلامية ترك لنا أذنابهم ومنافقوهم الأوفياء لرفع هذا الشعار تحت مسي الدفاع عن البلاد من شرد البلاء!!

تعددت المذاهب ..والدين واحد

لما نيجي ننظر للمذاهب الإسلامية من حولنا نجدها مذاهب وفرق كثيرة جداً وحتي داخل المذهب الواحد تعددت الطرق والوصفات الدينية والفتاوي الغريبة...

فتجد في المذهب السلفي مثلاً يوجد طريقة الشيخ العلان أوالشيخ فلان وهذا ينطبق علي باقي الجماعات ورغم انهم يرفعون شاعراً واحداً وهو كيف نبني الأمة المريضة؟

فتشتت الناس بين هذا وذاك وإستفاد العملاء والإستعمار الجديد من ذلك , وظهر في مواجهه ذلك التيارات العلمانية والإلحادية التي تطالب بتنحية الدين عن الحياة مثلما فعل الأورييون في القرن 18 ميلادي

ونسي هؤلاء الشيوخ بأنهم لم يسألوا أنفسهم ذات مره هل يدعون إلي لله حقاً ؟ هل كانوا صادقين مع الله ومع أنفسهم ومع الأخرين؟ ولكن لا هم يروا أنفسهم معصومين من الخطأ
....
هل دعوتهم توحد عقول الأمه الإسلامية ولا فرقتها وأدخلت البلبله في تفكير الناس والعامه والإهتمام بالقشور والسطحيات في الدين وترك جو الدين الأساسي بأنه دين عالمي دين لكل البشر في كل مكان وكل زمان ....

جعلنا الدين منقوص .... بغبائنا

أنا أحترم جداً الشخص المطلق لحيته ويلبس الجلباب الأبيض أري فية أنه حقق شيئ لم أستطع أنا أن أحققة ..
وأري نفسي ضعيفة ولكن هل الدين شعائر ومظاهر قبل الجوهر؟
أم جوهر وشعائر ثم يأتي بعدها المظاهر؟
**مثلما يطلق عليها الكاتب فهمي الهويدي بأنه الدين المنقوص (هو الدين العبادات بلا معاملات فيه)

سلفي حتي النخاع ...رغم عدم وجود نخاع

تعرفت علي صديق أعرفة شكلاً أثناء مروري الدائم علية وإلقاء السلام بيننا وكان هذا الصديق لدية مقلة للب وكنت يومياً أمرعلية أجيب لب وسوداني
ولكن بعد فترة من الزمن لم أعد أراه يقف ف المقله و أتي شخص أخر يدير المقلة بدلاً منه وكان لا يعرف عنة شيئ لما سألته عن سر غيابه.

وبعد فترة..

قابلتة بعدها ودار بيننا حوار وكان أول حوار مطول مع شخص ملتحي يتخذ المذهب السلفي كمنهج وطريق له

كان حوار ممتع بالنسبة لي وأعتقد ذلك بالنسبة له ولكني خيبت نظرة ف النهاية !!!

الحوار طويل شوية بس علشان توصل رسالتي واضحة

أنا: السلام عليكم يا شيخ إيهاب إنت بقالك مده غايب ؟..خير إن شاء الله

إيهاب: أيوة أصلي كنت بتجوز عندنا في البلد (بنها) ... متقلقش مكنتش معتقل ولا حاجة !

أنا : ضحكت وقلت لة بهزار يا إيهاب السلفي عمرة ما يتسجن مش إنت سلفي ؟

إيهاب : أيوة الحمد لله تعالي ... بس ياعني إية قصدك ؟

أنا: المذهب السلفي منهج ديني ويري أن الدين أهم من السياسة..

إيهاب : أيوة ياعم أنا مليش ف السياسة السياسه ليها ناسها !!!!

أنا : يا شيخ إيهاب السياسه مش معناها إني أتكلم عن أحوال القصر الرئاسي ...
السياسه عندي ياعني أي حاجة بتأثر فيا وفي طريقة معيشتي في كل من الشغل والجامعة وحتي الشارع لأن مافيش حاجه بدون سياسه.

إيهاب: ياعم بطل فلسفة كلها سياسه وبلاش فزلكة الله يرضي عنك !!! !!

أنا : ياعم بطل الجبن ده إنت مش في عصر عبد الناصر إنت عايش في بلد ديموقراطي ( عدوهاااا

قلتها لأني مرة كنت بتفرج علي جريدة غريبة أول مرة أشوفها في حياتي كان شعارها أنت حر في بلد حر !!!! .... طيب شكراً

إيهاب: بقولك ما تيجي نعمل كبايتين شاي تمام ونتكلم مع بعض إنت وارك حاجة الوقتي??

أنا : لأ ... بس ياريت شاي بالقرنفل ويكون ليبتون يا إما بلااااش منها !!

مع إن الساعه كانت ناهزت علي الثانية عشر مساءأً وكنت مرهق اليوم ده بس الحوار حسيت إنه هيشدني

إيهاب : ثواني وهتشرب أحلي شاي بالطريقة البنهاوية

إيهاب: إستني كده نفتح التليفزيون نشوف برنامج للشيخ يعقوب علي قناة الناس علي ما المية تغلي؟

أنا: ( بلاااش أبوس إيدك) لم أعُلق هكذا هتفت

إيهاب: ألله علي الشيخ **** يا سلام أنا كنت حاضر له خطبة في بنها عندنا والجامع كان مزحوم ومكناش عارفين نصلي وإقترح أحد الإخوة إننا نشيل المنبر ونحطه في الشارع أصل العدد كان تقريباً 6ألاف وفي رواية أخري 8 ألاف مصلي !!!!!

أنا : لا حول ولا قوة إلا بالله هي الناس دي كلها جاية علشان تسمع الشيخ *** طب لو كان الشيخ *** بأه كنت هتبقوا كام؟

إيهاب : كان زمان العدد أكبر بكتير من كده .. أصل السلفين ف مصر كتير ربنا يزيد ويبارك

أنا: هو صحيح إنتوا عددكم كام؟

إيهاب: ربنا يزيدنا كمان وكمان ,,,, وكل يوم ينضم لينا ناس ف منعرفش عددنا كام

طبعاً أنا نسيت أقول إننا كنا بنتكلم وإحنا بنشرب الشاي بالطريقة البنهاوية بس كانت كباية محترمة بصراحة

أنا: بس إشمعنا ياشيخ إيهاب إنضميت للسلفين ومنضمتش لحد تاني ؟

إيهاب: الحمد لله الجماعة دي الصح أما الباقي ...عفانا الله!!

أنا : يا سلام!! إنتم الصح والإخوان شيفين نسهم الصح والتبليغ والدعوه شيفين نفسهم صح ؟!!

دا حتي جرنا الرخم الجديد شايف إنه صح وإنه حر في بيته يعلي الراديو الساعه أربعه الصبح عادي واللي مش عاجبة يشوفلة حته تانية !!!!!

أنا : بس أنا أعرف إن لازم علشان نحكم علي حاجة لازم نجيب دليل وحاجة ذي دي عاوزة يا إما دليل من السنة أو القرأن الكريم؟

إيهاب: كلامك صح ... بص في أية في القرأن بتدعوا للإنضمام للجماعه السلفية !!!

وفتحلي المصحف الشريف وقالي إقرأ ياعم أهه ( للأسف مش فاكر إسمها بالظبط) بس أنا مفوتش الموضوع ده

أنا : ودا تفسيرك إنت ولا تفسير حد تاني ؟

إيهاب : ياعني إية؟

أنا : أقصد ياعني ده تفسير للشيخ مين ** ولا ** ولا مين؟

إيهاب: دا تفسيري !!!!!

أنا: إزاي ياعني تفسيرك إنت هتقلف علي مزاجك وبعدين ده غلط ؟

إيهاب: أنا هفهمك أنهي الأحسن ف نظرك

إنك تطلق لحيتك وتسمع دروس دينية وزوجتك تكون منتقبة(وليست منقبة) ولا تحلق زقنك ومراتك عادي لابسه طارحه وممكن تسمعوا الأغاني؟

أنا : طبعاً صديقي كان يقصد الإخوان المسليمن بالمثال الثاني مكنش محتاجه ذكاء إني مخدش بالي؟

قلت له واللهي الصح طبعاً الإختيار الأول بس مش معني كده لو انا معملتش كده مكنش مسلم ؟

إيهاب: غلط قاعدين تتسهلوا في كل حاجه لحد ما ضيعتم الدين ؟

أنا : يا شيخ متفهمش غلط أنا عاوز أوضحلك حاجه

إيهاب : أيوة

أنا : المشكله فيكم كسلفين ديماً باصين للإنسان بنظرة عنصرية شوية

ياعني لو قابلت واحد مش ملتحي متلقيش علية السلام وبتعامله بقرف رغم إن المفروض إنك تكون قدوه ليهم ولينا مش معصب نفسك ع الفاضي..

إيهاب: مين اللي قالك كده الحمد لله إحنا بنعامل الناس كلها ذي بعض سواء ملتحي أو لا ربنا اللي هيحاسب الناس مش أنا !!!

أنا: حلو بس صدقني برده إنت بتعامل الناس علي أساس شكلهم ودي مشكله السلفييين عموماً .

إيهاب: إنت متحايل علي السلفيين أوي رغم ... ياريت تغير وحه نظرك عنهم

أنا : أنا مقصدش الإهانه طبعاً بس أنا بستغرب من التصرفات دي !!

إيهاب: ياريت تيجي المسجد بكره بعد صلاه العصر علشان تسمع درس وربنا يهديك .؟

أنا: هو الدرس عن إيه الصوم ولا إزاي تصلي ولا عن الصدق؟

كان تصدي إن الدرس ده مش هيجيب جديد بالنسبه ليا الكلام ده ممكن أقرأه في كتاب أو أسمعه ف برنامج بالتلفزيون ياعني كلام مكرر وعرفناه ....

إيهاب: تعالي بس وربنا هيسهل وياريت تتلق لحيتك وتنضم للسلفيين الجماعه المنصورة!!!!

أنا: أنا عمري ما هكون سلفي يا إيهاب ؟

إيهاب: بغضب لية ؟

أنا : أصلكم بصيين للدين عبادات وليس عبادات ومعاملات؟

شيفين الدين في المظاهر والصلاه والصوم ومش مهم المعاملات مع الناس

إيهاب: يا سيدي غلط إحنا بنتعامل مع كل الناس كويس الحمد لله

أنا: طب إية رأيك ممكن تتعامل مع واحد إخواني:؟

إيهاب: لأ !!!!
دول عالم ملهمش لزمة كل همهم يضيعوا فلوسهم في كلام خياب حبه إعلانات وجع دماغ وأهم حاجه عندهم السياسه لكن الدين ده أخر حاجه يبصولها!!!

أنا: قلت له برود
لو كان ده صح مكنش طلع من عندهم شيوخ مثال القرضاوي وسيد قطب والبنا والهضيبي و الغزالي وغيرهم

إيهاب: إحنا عدنا أحسن منهم!!!!

أنا : قلت له الشيخ ****

إيهاب: قال ربنا يدله طوله الغمر

أنا: قلت له بس لية كتب إيه ؟ كل كلامه مكرر ومجابش حاجه جديده؟

إيهاب: كنت حاسس إنه عاوز يرجمني بالحصي لاني تهكمت علي رمز السلفية في مصر

يبقي إنتي مقريتش بأه أنا هجيبلك كام كتاب كتبه الشيخ حفظ الله ؟؟؟

أنا: بلاش ... أصلي عارف هو هيقول إيه؟

الحوار بدأ يتدهور وأنقزنا من المشاده الكلامية
زبون كان جاي يشتري لب وكان ملتحي!!!!

ودا كان إثبات لكلامي إنه هيعمله أحسن لأنه ملتحي مثله

وفعلاً رغم إن الشيخ إيهاب لم يكن يعرف هذا الزبون إلا أنه أعطي له 1/4 من اللب الممتاز مجاناً كهديه وطلب منه أن يحضر درس في المسجد بعد صلاه العصر

ولكن اللي غاظني إن هذا الذبون لم يلقي التحيه أثناء دخوله !!! ولكنه متلحي

خلص الحوار بيني وبين إيهاب وروح البيت وقررت ألا أفكر في موضوع السلفية مرة أخري

إنتبة : تحزير لمرضي القلب والسكر

لولا أنه صديقي ... لحدفته من الدور الرابع

لي صديق غالي أحترمه جداً ومرة أثناء جلوسنا معاً ورغم أني مدخن وهو ملتحي إلا أنه كان يعاملني بإحترام شديد

ولكن سألته مرة

هو ليه إنتم مبتسلموش إلا علي الناس اللي زيكم بس( الملتحي ياعني)

قالي ببرود أصل إحنا منعرفش هل أنت مسلم أم نصراني إلا من الذقن , الذقن هي اللي هتوضحلي ؟!!!!!!!!!!

سكت ولم أكلمه وأحسست بأني أخطأت السؤال وكظمت غيظي
و قلت له ثانياً

لو أنكم كنتم موجودين أيام الرسول (ص) ماكنش حد أسلم

نظري ولكنه لم يستوعب كلمتي

الخطر الشيعي....... قادم خلي بالك

رغم إني أخذت عهد علي نفس ألا أكلم سلفي مطلقاً إلا أن لي صديق سلفي قابلته في إحدي المكتبات
ولما رأاني هتف وقال إية رئيك في الكتاب ده

دا بتكلم عن الحطر الشيعي ( الكفره ولاد *******) طلبت منه ألا يكفر أحداً

وقلت لما نخلص من الخطر الصهيوني ممكن نبص للخطر الشيعي بعدها

بصلي وكان هاين عليه يحدفني بالكتاب

وقال: الخطر الشيعي المجوسي أخطر من الخطر الإسرائلي

إنت مسمعتش خطبة الشيخ فلان عن المد الشيعي في المنطقه؟؟؟؟!!!!

قلت : لأ أصلي بقرأ كتاب عن اليهوديه واليهود للدكتور المسيري
ومش قضيتي أبص للشيعه

صديقي: إزاي بس دا هما اس البلاء اللي إحنا فية,,,,, وبعدين هما كفرة

أنا : ياعم متكفرش حد بدام ناس بتقول لا إلله إلا الله محمد رسول الله وبيصلوا لقبلتنا يبقوا مسلمين ذينا وده كلام الشيخ القرضاوي مش أنا

وبعدين أي مشكله وراها اليهود مش الشيعه

صديقي: دا حتي الكتاب ده بتكلم عن حزب اللات!!

أنا قلته : اللات

قال : نعم

قلتله: ياعني الناس مسمين نفسهم حزب الله وإنت تقول حزب اللات!!!!!

قال : أصلهم كفرة وبيضحكوا علي الأمه وفي ناس صدقتهم!!!

قالت له: الله إحفظنا من السلفين وشيوخهم

للأسف دي بعض حواراتي مع السلفين تفكيرهم غريب كله تكفير و البكاء علي الأطلال

وكل مشكلتهم الجدل في أمور مش ضرورية وديماً الشيخ الغزالي رحمه الله يري أنهم جماهة جدلية شغلين نفسهم بالرد علي كل من لاي تبع فكرهم مرة يهجموا علي الإخوان ومرة علي الصوفين ومرة الشيعه ومرة الهجوم علي المفتي علي جمعه أو الهجوم علي أنفسهم !!!!!

وسابوا البلاء الأكبر اليهود وفقه الواقع وعاشوا في خيال يوتوبي( المدينه الفاضله ) في رأيهم

للتوضح

المشكله مش في المذهب السلفي في حد ذاته ..... المذهب فكرته هي إحياء التراث الإسلامي والسير علي نهجه بداية من الرسول (ص) حتي الإمام أحمد بن حنبل ولكن المشكله والكارثه في بعض شيوخ السلفيه الجدد وبعض العقول التي تنطوي تحته وبعدهم التام عن الحياه والواقفع والإهتمام بالعبادات بدلاً من المعاملات

الباقي

الجزء الرابع الأخيرغداً إن شاء الله عن الإخوان كجماعه عن كثب( قرب)